زهق ابليس

[دمعة القلب]

لمحت ابليس و ف ايده استماره ..
بقول له على فين ..
قاللي بص ..
يا هجره يا اعاره ..
يا عم زهقت كفرت ..
الاقيش معاك سيجاره ..
انا انتهيت خلاص ..
لا نافع وسواس ولا خناس ..
ولا ليا عيش وسط الناس ..
دي عالم مجرمين
عندكوا فائض ف الفساد ..
في كل البلاد ..
ومش محتاجين شياطين ..
مليش عيش ف البلد دي ..
بقالي سنين عاطل ..
و انتوا بتعرفوا ..
تقلبوا الحق باطل ..
و تسلكوا القاتل ..
و تمشوا ف جنازة المقتول ..
ومفيش مشاكل ..
يا عم ده انا بقيت أوسوس بالمقلوب ..
و أقول للحرامي كفايه بقى توب ..
انت هاتعمل كل الذنوب لوحدك ..
و أنا ابليس ..
اشتغل واعظ ولا كمسري اوتوبيس
دانا كنت بستني الواحد
ميسميش وهو بياكل
دلوقتي اكلكو كله ملوت وبصراحة الواحد خايف علي صحتة
دي كل حاجة اتسرقت
والاجيال الجديدة من الحرامية اتظلمت
انا من كتر مزهقت مشيت مع الناس اللى بتقول كفاية ومفيش فيدة

[سما غارب]

موضوع جميل ...ربنا يهدينا جميعا

[عبودى]

مشكور جدا على البهدله دى وكمان مش سايبين الشيطان فى حاله ارحمووووه

[ابو الفضل العباس]

ارحموا خبيث قوم ذل
حرام عليكم ياناس خليتوا الخبيث عاطل وضمتوه لصفوف العاطلين
بجد طرح فى غاية الفكاهة الساخرة المريرة
وهذا فعلا حالنا اليوم
\اللهم انا نسألك العفو والعافية فى الدنيا والاخرة-\
تسلمى اختنا الفاضلة وبارك الله فيكى